APAT NA SCREENPLAY (Armando Lao/Fanny A. Garcia, Editors) Book Review
Halos lahat ng mga pelikulang tinatalakay sa aklat na ito ay napanood ko na, maliban sa isa: Takaw Tukso. Gaya ng karamihan ng mga lahing pandaigdig, ang Pilipino ay mahilig manood ng mga pelikula. May mga kumikita. May mga nilalangaw o pumapalpak. Ang mga direktor at mga artistang gumaganap ang nagsasabuhay ng mga ito, ngunit kung wala ang dulang pampelikulang pinagpaguran ng dugo't pawis ng mga manunulat, walang pagbabasehan ang pelikula. Ang pelikulang walang kwento ay walang kwenta at minamarkahan ng X. Kahit gaano pa ka erotic ang isang pelikula, kailangan may sustansya ito at may matututunan sa bandang huli o kung wala naman ay mapapaisip ka dapat. Sa madali't salita'y kailangang may patutunguhan ang isang kwento, may aral man o wala. Ilang taon na ang nakalipas nang aking binili ang aklat na ito. Nahikayat akong bilhin ito marahil dahil sa kulay at sa titulo: APAT 4 NA SCREENPLAY. Itinatampok ang Apat na Pelikulang ...